雖然我已經講咗好多日，但都希望再認真睇一睇
可能大家都已經好累，我都好累
除咗應付日常工作之外
長時間不斷接受有關抗爭同反逃犯條例資訊同最新發展，加上長期維持高壓同擔憂嘅狀態底下
真係百分之一百身心疲倦
我曾經同自己講，夠了，不聽 不理 不看，希望令自己身體可以健康返少少
但我唔可以
即使我知道我個人對於成件事無咩實質推動作用
但我都停止唔到自己繼續去關注
因為由69遊行開始
你、我都知道 呢個係一個長期嘅抗爭
到今時今日，政府都無回應我地嘅訴求
係唔可以收貨同就咁就算架
我地唔可以辜負一班行到前線比人打仆街同比人拉咗嘅義士
我地唔可以辜負死咗烈士
我地都唔可以辜負一班用各式各樣唔同嘅方法去抗爭嘅市民
我同你地一樣都想好想休息
但唔比我地休息嘅人唔係我地自己，係政府呀
今日，我地比咗死線比政府去回應我地訴求
如果五點後，政府無視死線
聽日，將會全面升級行動
不過，身邊好多群組、Whatsapp group已經開始靜了
我唔明白大家係「收貨、接受」定係覺得面對呢個無恥政府再已經無力去抗衡
無論係回緊氣定係困惑緊都好
但我眼見連登又好、高登又好，都仍然有一班無放棄嘅巴絲打繼續宣傳繼續去諗用唔同方法去表達去支持去推動
我地就更加唔應該放棄
宣傳真係好重要，但距離聽日都唔夠24小時
我地更加要比身邊更多人知道嚟緊兩日發生緊咩事
如果政府繼續無視，而我地聽日又聚唔到人
我好難相信日後會點
所以點都好，聽日一定要出嚟
個人能力有限，我都希望盡我最大努力幫手宣傳同推動，協助一班仍然有心嘅抗爭者
早早令政府回應我地訴求
早早比大家真真正正咁休息
最後都要重覆講句
我真係唔想有人因為呢件事上面而被捕同被告暴動罪
佢地等緊我地救的
四個訴求，今日五點前政府必須
1. 完全撤回《逃犯條例》修訂
2. 完全收回 6.12暴動論
3. 撤控並釋放全數被捕示威者
4. 嚴懲警方濫暴濫權
否則 6.21行動升級，聽日上午7點圍政總
兄弟爬山，各自努力
不篤灰，不割蓆
Search